Vandag se sportnuus

by

SunCity:

Krieket

  • Dit was gister die vyfde dag van die derde toets tussen Engeland en Suid-Afrika op die Oval in Londen. Die Proteas het ʼn teiken van 492 lopies gejaag. Dean Elgar en Temba Bavuma het aanvanklik vasgeskop en ʼn vennootskap van 108 lopies opgestapel. Suid-Afrika is uiteindelik almal uit vir 252 lopies. Elgar was voortreflik en het 136 lopies aangeteken van 228 balle. Dit was sy agste honderdtal van sy toetsloopbaan. Engeland loop nou met 2-1 voor in die reeks, met die laaste toets wat Vrydag op Old Trafford in Manchester begin.
  • In die driehoekige-eendagreeks vir A-spanne speel Indië vandag teen Afganistan.

Volgende bepalings:

Rugby

  • Die Superrugbyreeks se eindstryd word komende Saterdag in Johannesburg tussen die Lions en Crusaders gespeel. Die Crusaders het dié titel reeds sewe keer gewen. Alle kaartjies is reeds uitverkoop vir die wedstryd wat Saterdag om 16:00 begin.
  • Intussen het dit bekend geword dat die Springbok en Sharks-losskakel Pat Lambie moontlik in Frankryk gaan rugby speel.

 

  • Curriebeker

Kom ons loer na die jongste punteleer.

Swem

Fina se wêreldkampioenskap het Sondag in Boedapest geëindig. Suid-Afrika kon net twee medaljes inpalm. Die VSA het eerste geëindig.

Medaljelys  

Gholf

Kom ons loer na die jongste wêreldranglys.

Intussen het Rory McIlroy sy joggie JP Fitzgerald afgedank. Hulle was saam toe McIlroy sy vier Majors gewen het en ook die wêreld se no. 1-speler was.

Seniors-reeks

Bernhard Langer het sy derde Britse Ope-titel vir seniors ingepalm. Hy het daarmee die suksesvolste seniors-speler in Majors geword. Langer spog nou met tien Major-titels.

Motorwedrenne

Ná die naweek se Hongaarse Formule Een Grand Prix gaan die spanne vir ʼn paar weke rus. Op die jongste punteleer is Sebastian Vettel nou met 14 punte voor.

Intussen het McLaren aangedui dat hulle in die volgende paar weke sal besluit watter enjin hulle aanstaande seisoen gaan gebruik. Daar is al hoe meer sprake daarvan dat hulle van Honda na Renault gaan skuif.

Sokker

Die 2017-uitgawe van die MTN8-kompetisie sal op Vrydag 11 Augustus afskop. Bidvest Wits sal om 20:00 teen Lamontville Golden Arrows in Johannesburg speel.

Die ander bepalings lyk só:

  • Saterdag 12 Augustus

Cape Town City teen Polokwane City – Kaapstad-stadion (15:00)

Kaizer Chiefs teen SuperSport United – Moses Mabhida-stadion (20:15)

  • Sondag 13 Augustus

Mamelodi Sundowns vs Maritzburg United – Lucas Moripe-stadion (15:00)

Mashaba sê waarom wedstryd moes voortgaan ná 2 in stormloop sterf

by

SunCity:

ENB-stadion, ook bekend as Soccer City

Herman Mashaba, burgemeester van Johannesburg, het bevestig dat ʼn ondersoek van stapel gestuur is nadat twee mense Saterdag in ʼn stormloop by die ENB-stadion net buite Johannesburg gesterf het.

Maroela Media het vroeër berig minstens 17 ander mense is beseer in dié stormloop net voor die wedstryd tussen Kaizer Chiefs en Orlando Pirates.

Ondersteuners én sokkerspelers het onder erge kritiek op sosiale media deurgeloop omdat die sokkerwedstryd ná die voorval voortgegaan het.

Intussen het Mashaba Saterdagaand in ʼn verklaring gesê die stormloop het tydens die kompetisie gebeur, en daarom is besluit om die wedstryd klaar te speel.

“Die stormloop het buite die stadion plaasgevind terwyl die wedstryd al aan die gang was. Die wedstryd tussen Kaizer Chiefs en Orlando Pirates het dus voortgegaan sonder dat enige spelers bewus was van wat gebeur het,” lui die verklaring.

Stadium Management South Africa, wat onder meer dié stadion bestuur, het sy medelye aan die familie en vriende van die oorledenes betuig.

“Die hartseer lewensverlies by dié wedstryd is ʼn tragedie. Ons werk saam met al die relevante owerhede om te verhoed dat tragedies soos dié voortaan weer gebeur.”

Michael Sun, Johannesburgse burgemeesterskomiteelid vir openbare veiligheid, het aan EWN gesê die stormloop kon moontlik veroorsaak gewees het deur die verkope van vervalste kaartjies by die stadion.

Die oorsaak van die voorval is egter nog nie bekend gemaak nie.

Net meer as 16 jaar gelede is 43 toeskouers ook dood in ʼn stormloop by die Ellispark-stadion tussen dieselfde twee sokkerspanne.

We’ll deal with criminals ourselves, threaten Faerie Glen residents

by

Pretoria – Residents of Faerie Glen in Pretoria East have threatened to take matters into their own hands to deal with an increase in crime in the area if police did not intervene.

They said the community was being held hostage by criminals after a surge in housebreakings and muggings over the past few months.

Reports of crime from the suburb and nearby Faerie Glen Nature Reserve have emerged, with the first crime inside the reserve taking place two weeks ago after a 10-year record of safety and security.

A woman was attacked while running on the trail in the reserve and all her gear, including shoes, cellphone, hydration backpack and sunglasses were taken.

Warnings began going up on social media, where trail runners were asked to be cautious and not to run on their own, as criminals, often wielding knives and wearing balaclavas, were on the prowl.

The criminals are said to gain entry into the nature reserve through Atterbury Bridge and using the Manitoba Bridge to gain access to the rest of the nature reserve and into the homes along its periphery.

20/07/2017. Manitoba bridge inside the Faerie Glen Nature Reserve which criminals use to gain accessto houses on the perifery.
Picture: Bongani Shilulbanen

Homes hit are those located on the eastern side and last week residents said they were fed up with what they perceived as a lack of police action.

“We are going to be using maximum force to protect ourselves from these thugs.”

“Extreme situations require extreme measures,” said a resident who lives opposite the nature reserve in Glenwood Street.

He said on two occasions he had spotted burglars in his yard.

“They have stolen my hose pipe and rake,” he said.

Kefentse Mompei who lives adjacent to the reserve, said criminals were now becoming arrogant and doing as they pleased. Her clothes were stolen off her washing line, she said.

She said Faerie Glen Nature Reserve opposite her residential complex provided a hiding place for criminals.

“What is sad is that a resident will end up shooting and killing the perpetrators and they will be jailed for protecting their family,” said Mompei.

Community members said they were fed up and wanted a public meeting with police as soon as possible to discuss the setting-up of foot patrols.

Other residents said despite a police station being close to their homes they no longer felt safe.

Resident Maralise Louw said they wanted to call on all men in the community to come out and assist people going to work to protect them from being attacked.

“And also for men to go to the gates of the schools to make sure children going to school do so safely,” she said.

The chairperson of the Friends of the Faerie Glen Nature Reserve, Louise Kritzinger, said the fences along January Masilela, Glenwood and Manitoba roads needed maintenance.

The opening under the Atterbury Bridge which criminals use to gain access to Faerie Glen Nature Reserve. Picture: Bongani Shilulbanen

 

She said the makeshift fence, made of thin wooden poles, under the Atterbury Bridge needed to be reinforced properly if it was to keep criminals out.

A bushy area situated close to the Atterbury Bridge is where the criminals lived, the Pretoria News was told.

“We are going to suggest that the metro police remove the vagrants,” Kritzinger said.

The reserve was fenced off over a period of about five years from 2002, said Kritzinger.

Residents attributed the increase in crime in the area to development on the northern side of the reserve, adjacent to Lynnwood Road.

They said builders and job seekers had flooded into the area, leading to squatting on the mountain.

According to Kritzinger, after those developments were finished some people continued to live in the bushes, but they were removed from the reserve by mounted police patrols in 2006 and 2007.

Councillor Ernst Botha from Ward 44 said he had been in constant contact with Lieutenant Colonel Kervin Solomon of Garsfontein police, requesting intervention.

A meeting had yet to be set up, he said.

“As you may have become aware, Faerie Glen Nature Reserve has recently become a hot spot for criminal elements; myself and Councillor Pieter van Heerden from Ward 46, adjacent to Ward 44, have collectively been in discussions with various stakeholders to try to curb crime in the area,” said Botha.

They have also taken it up with the top structures within the city, including the departments of Community Safety, Emergency Services and the chairperson of Community Safety.

The city and police had not responded on the soaring crime rate by late on Sunday afternoon.

BY SAKHILE NDLAZI: Pretoria News/IOL

La Apartmente is a place where you can chill for a weekend !!

by

Located 201 m from MG Design Box, La Apartmente offers accommodations in Pretoria. The property is 201 m from Plaaswinkel and free private parking is available.

The kitchen is equipped with an oven and a microwave. A flat-screen TV is featured. Other facilities at La Apartmente include a barbecue.

University of Pretoria – Conference Centre is 0.6 km from La Apartmente, and Hatfield Plaza (Rear parking entrance) is 0.6 km away. The nearest airport is Lanseria (Johannesburg) Airport, 37 km from La Apartmente.

Free private parking is available on site (reservation is not needed).

Facilities available:
– Free Parking
– Airport Shuttle
– Non-Smoking Rooms
– BBQ Facilities

To view more facilities at this venue, please click on the link below…..

Book your room at this Hotel now!

Find and Book your Cheap Flights here!

#GuptaLeaks: Dit is wat jy moet weet

by

SunCity:

Gupta

Pres. Zuma (foto: Flickr/GovernmentZA- en die drie Gupta-broers (foto’s: who’s Who).

Sunday Times en City Press het einde Mei ʼn berig gepubliseer met bewyse dat die omstrede Gupta-familie Suid-Afrika beheer, nadat hulle toegang gekry het tot 650 e-posse wat tussen die Gupta-broers en hul medewerkers gestuur is.

Op 1 Junie vanjaar het die Daily Maverick se nuwe ondersoekende joernalistieke eenheid, Scorpio, en die onafhanklike nie-winsgewende sentrum vir ondersoekende joernalistiek, amaBhungane, die een na die ander berigte oor vergrype en staatskaping gepubliseer nadat hulle honderde gigagrepe se inligting uit sowat 200 000 unieke e-posse en ander dokumente bekom het.

Die bewyse vir die berigte staan deesdae as die #GuptaLeaks bekend en het Suid-Afrikaners tot in hul wese geskok.

Bruce Whitfield van The Money Show op 702 Talk Radio het verlede week met Susan Comrie, ʼn joernalis van amaBhungane gesels. Whitfield het haar gevra om vir Suid-Afrikaners die grootste onthullings oor die #GuptaLeaks saam te vat:

vega gupta

Die bruidspaar, Vega Gupta en Aakash Jahajgarhia Foto: @ReneDelCarme op Twitter

Estina, KPMG en die troue se uitgawes

Estina, ʼn onbekende maatskappy, het ʼn stuk grond gratis van die Vrystaatse provinsiale regering bekom om ʼn melkery te begin met die bedoeling om plaaslike inwoners te bemagtig. Befondsing van R114 miljoen is ook aan die maatskappy beloof sonder dat die nodige tenderprosesse gevolg is. Dit blyk nou dat Estina uiteindelik R210 miljoen van die provinsiale regering ontvang het.

Die Guptas het hul betrokkenheid by Estina tot dusver ontken, maar ná die onthulling uit die #GuptaLeaks-e-posse weet Suid-Afrikaners daar is verskeie leuens verkondig. Die groot vraag is egter: Wat het met die geld gebeur wat aan Estina vir bemagtiging geskenk is?

Die joernaliste van amaBhungane het bevind dat R84 miljoen na Dubai oorgedra is. Slegs R1,7 miljoen is gebruik om toerusting vir suiwelproduksie aan te koop. Die res van die geld is deur verskeie maatskappy gewas, wat met die Guptas verbind kan word, voordat dit weer na Suid-Afrika teruggekom het.

R30 miljoen is na Linkway teruggestuur om vir die Guptas se troue te betaal.

Vega Gupta, ʼn susterskind van die Guptas, het in 2013 met Aakash Jahajgarhia by Sun City in Noordwes getrou. Die troue was ʼn vierdaagse affêre van ʼn oordadige skaal wat nog nie voorheen in Suid-Afrika gesien is nie.

Mediaberigte dat die troue se gaste die Waterkloof-lugmagbasis as hul persoonlike lughawe vir die geleentheid gebruik het, het die land woedend gehad.

Van die uitgawes wat vir die troue aangegaan is, sluit onder meer R2,3 miljoen vir serpe in en R250 000 wat vir vuurwerke betaal is.

Intussen het siek, honger koeie op die Estina-melkplaas in die Vrystaat op ʼn streep gevrek en is hul karkasse in ʼn sloot gestort.

Linkway het die troue se uitgawes as ʼn besigheidskoste geëis en so is belasting van sowat R8 miljoen glo ontduik.

ʼn Junior ouditeur van die ouditeursfirma KPMG het die eis tydens ʼn oudit  bevraagteken, maar sy kommer is bloot geïgnoreer. Dit terwyl die destydse uitvoerende hoof van KPMG, Moses Kgosana, e-posse aan die Guptas gestuur het waarin hy hulle bedank dat hy die troue kon bywoon en dit as die “gebeurtenis van die millennium” beskryf het.

Nadat sy korrespondensie en betrokkenheid by die Gupta-familie aan die lig gekom het, het Kgosana besluit om nie ʼn pos by Alexander Forbes te aanvaar nie. Die onafhanklike reguleringsraad vir ouditeure (Irba) het ook besluit om hulle eie ondersoek na KPMG se 2014-oudit van Linkway in te stel.

Argieffoto: GCIS

McKinsey en Trillian

McKinsey, ’n internasionale konsultasiemaatskappy, het 30% van ʼn kontrak van Eskom wat ongeveer R1 miljard beloop aan Trillian Management Consulting uitgekontrakteer. Trillian is nog ʼn maatskappy wat met die Gupta-familie verbind word.

McKinsey het hul vennootskap met Trillian as ʼn “ongewenste stuk bagasie” beskryf wat “net daar is vir die 30%” en “in ruil is vir nie veel werk nie”.

Eskom en Lynne Brown, minister van openbare ondernemings, het voorheen ontken dat enige oorbetalings aan Trillian gemaak is. Tog toon die fakture dat minstens R266 miljoen aan die konsultasiemaatskappy oorbetaal is en dit sluit nóg ʼn faktuur van R153 miljoen uit waarvan amaBhungane bewus is.

McKinsey het sy Suid-Afrikaanse direkteur, Vikas Sagar, gekors en is tans besig om die bewerings te ondersoek.

Die parlement wil nou ook by Brown weet hoekom daar oor die uitbetalings aan Trillian gejok is.

SAP en Sahara

Volgens die Guptas se e-posse blyk dit dat die ITK-groep SAP sowat R100 miljoen betaal het aan ʼn klein maatskappy, wat 3D-drukkers verkoop en op die buitewyke van die Gupta-ryk is.

Daar was ʼn ooreenkoms rondom verkopekommissie wat op die nippertjie gemaak is met CAD House wat bepaal het dat hulle 10% kommissie op die kontrak van R100 miljoen sou kry as dit direkte aanleiding sou gee dat SAP ʼn kontrak met Transnet sou bekom.

SAP beweer dat hulle CAD House se dienste bekom het omdat hulle Transnet as ʼn onderneming buitengewoon goed geken het. Transnet sê egter hulle het nog nooit sake met CAD House gedoen nie.

Voorts het SAP ook gesê hulle het verkies om sake met CAD House te doen omdat hulle 3D-modelle van hul sagteware-oplossings kan vervaardig. Die vraag is egter of R10 miljoen ʼn regverdige uitbetaling is vir plastiekmodelle.

Die kontrakte beloop R10 miljoen, maar amaBhungane weet dat ʼn bedrag van R100 miljoen by die transaksie betrokke was.

SAP sê as daar nog kommissie uitbetaal is, was dit omdat daar nog ander kliënte betrokke is.

Joernaliste van amaBhungane glo daar is genoeg bewyse wat toon dat CAD House ʼn front vir die Guptas was, aangesien meer as 90% van die geld gou vanuit CAD se rekening na Sahara en verskeie maatskappye in die Guptas se besit oorbetaal is.

Seksuele teistering van personeel

ʼn Ontleding van die e-posse in die #GuptaLeaks-skandaal toon dat die Gupta-broers hulself glo verskeie kere skuldig gemaak het aan die seksuele teistering van vroulike personeellede en dat hulle boonop kontant betaal het om hul stilte te koop.

Ten minste drie vroulike personeellede van die Guptas beweer dat hulle seksueel geteister, onbehoorlik aangeraak en met tye geïntimideer is deur twee van die Gupta-broers.

Twee van die vroue het gesê hulle is ná die voorvalle afbetaal.

Bell Pottinger

Die Britse skakelmaatskappy het nog altyd erken dat Oakbay Investment hulle kliënt was.

Dit is nou ook duidelik dat hulle nie net vir die Guptas gewerk het nie, maar ook vir die breër Zuma-faksie, wat onder meer die skryf van toesprake vir militêre veterane van uMkhonto weSizwe en die ANC se jeugliga ingesluit het.

Bell Pottinger se veldtog was daarop gemik om die aandag van Zuma en die Guptas se staatskaping weg te lei en dit eerder op ekonomiese bevryding en witmonopoliekapitaal te vestig.

Die maatskappy is ook daarvan beskuldig dat hulle rassespanning onder Suid-Afrikaners aangewakker het.

Bell Pottinger is glo £100 000 per maand vir hul werk betaal.

Die maatskappy moet volgende maand voor ʼn dissiplinêre verhoor van die bedryfsliggaam wat die Britse industrie vir skakelwerk en bemarking reguleer verskyn. Bell Pottinger het self ook ʼn regsfirma gehuur om hul werk te hersien en een van hul vennote is ontslaan terwyl nog drie werknemers geskors is.

Die maatskappy het ook ʼn verskoning uitgereik waarin hulle gesê het dit wat hulle reeds oor die aanklagtes teen hulle werk vir die Guptas gesien het, is “ontstellend” en “onvanpas en aanstootlik”.

Verskeie organisasies, politieke partye en Suid-Afrikaners is egter skepties oor die verskoning en het baie vrae oor die bewerings wat in die verskoning gemaak is.

Bell Pottinger het ʼn wêreldwye reputasie dat dit diktators se eerste keuse as beeldpoetser is. Die maatskappy het al veldtogte vir regimes van Sirië tot Chili gedoen.

Kompetisie wil Afrikaanse entrepreneurs met waagmoed hupstoot gee

by
Kompetisie wil Afrikaanse entrepreneurs met waagmoed hupstoot gee

Kompetisie wil Afrikaanse entrepreneurs met waagmoed hupstoot gee
Kompetisie wil Afrikaanse entrepreneurs met waagmoed hupstoot gee
Kompetisie wil Afrikaanse entrepreneurs met waagmoed hupstoot gee
Kompetisie wil Afrikaanse entrepreneurs met waagmoed hupstoot gee
Alana Bailey, adjunk uitvoerende hoof van AfriForum
Meyer le Roux, een van die breine agter die bekende Buffelsfontein Baardolie-handelsmerk

’n Opwindende entrepreneurskompetisie, wat een van AfriVriendelik se inisiatiewe is, is vandag in Pretoria bekend gestel.

Dié kompetisie het ten doel om entrepreneurs, wat in Afrikaans sake doen, se onderneming ’n hupstoot en sommer baie blootstelling te gee.

Afrikaans-Vriendelik, ’n eenstopdiens vir alle entrepreneurs en sakeondernemings, het ook vandag ’n splinternuwe baadjie aangetrek. Dit sal in die toekoms een van vyf inisiatiewe van AfriVriendelik wees. Die ander is AfriKlets, waar AfriForum-lede mekaar kan ondersteun en eenmalige versoeke kan rig of aanbied, soos saamrygeleenthede.

Daar is ook AfriVriendelik-opleiding, die Tinteltong Toekennings en die entrepreneurskompetisie.

Volgens Sanderien van der Walt, projekkoördineerder van AfriVriendelik, bied die kompetisie ’n uitstekende geleentheid vir jong en gevestigde entrepreneurs om hul ondernemings uit te bou.

Inskrywings open vandag (20 Julie) en sluit op 30 September. Groot pryse is op die spel en sluit onder meer ʼn nuwe webwerf geborg deur MyGuru, ʼn advertensie vir gebruik op sosialemediaplatforms, asook ʼn mentorskapsessie met Meyer le Roux, een van die breine agter die bekende Buffelsfontein Baardolie-handelsmerk, in.

Lede van die publiek kan tussen 2 en 15 Oktober vir hul toptien gunstelingondernemings stem, waarna ʼn uitgesoekte paneel die wenner sal kies wat op 20 Oktober 2017 aangekondig sal word.

Le Roux het tydens die bekendstelling van die kompetisie by sy Buffelsfontein-restaurant in Pretoria gesê Afrikaanse entrepreneurs is soos boere, ook mense met waagmoed vir wie daar eintlik blomme en subsidies uitgedeel en rooi tapyte uitgerol moet word.

“Die regering is teen Afrikaanse entrepreneurs en wil die wêreld graag wysmaak Afrikaners het alles gesteel, behandel hul werkers sleg en is teen die sosialistiese ekonomiese stelsel. Net laasgenoemde is waar,” het hy grappenderwys gesê.

Volgens Le Roux wil die regering Afrikaner-entrepreneurs doodwurg en is al die eise wat vir ondernemings gestel word om aan bepaalde rade en verenigings te behoort net nog iets wat ontwerp is om vir “iemand ’n Mercedes Benz of KFC-emmer te koop”.

Hy meen Afrikaanse entrepreneurs moet wakker wees en veral met tegnologie bybly. Sy ander raad is om sosialemedia jou vriend te maak. “Moenie in ’n bekgeveg met iemand betrokke raak wat jou onderneming wil skade berokken nie. Gebruik eerder die ban en delete-knoppies.”

Om suksesvol te wees, moet entrepreneurs ook hul eie ego begrawe. “Onthou daar gaan altyd iemand wees wat slimmer is as jy en wat betaal word vir wat hy weet. Wees bereid om te leer.”

Le Roux meen ook entrepreneurs en Afrikaners kan meer suksesvol wees as hulle mekaar se ondernemings ondersteun. “Jy het nie nodig om iemand te dwing om met jou Afrikaans te praat, sake te doen of ’n diens te lewer nie. Gaan soek net na ’n onderneming wat dit vanselfsprekend doen. Dan sal jy weet jy is op die regte plek.”

Om vir die kompetisie in te skryf, besoek www.afrikaansvriendelik.co.za

 

The post Kompetisie wil Afrikaanse entrepreneurs met waagmoed hupstoot gee appeared first on Forum Nuus.

Dís hoekom jy besigheid in inheemse tale moet doen

by
Afrikaans-Vriendelik

Afrikaans-Vriendelik
Sanderien van der Walt
Afrikaans Vriendelik

Deur: Annelise de Vries en Jhua-nine Wyrley-Birch

Anton Rupert, die legendariese Afrikaanse sakeman en entrepreneur, het gesê die persoon wat nie droom nie, is nie ʼn realis nie.

Die pad na suksesvolle entrepreneurskap is ʼn moeilike een, maar Suid-Afrika is immers ʼn land van mense met planne. Die grootste denkfout wat Suid-Afrikaners egter maak, is om bang te wees om te sê hulle wil ryk word, meen die ekonoom Mike Schüssler.

“Alles is moontlik as ’n mens kreatief en groot dink. Wie uithou en aanhou, kan sukses behaal.”

Suid-Afrika het entrepreneurs nodig soos nog nooit tevore nie en hoewel kenners meen dat die verband tussen taal en ekonomiese vooruitgang kompleks is, stem akademici saam dat taalgemeenskappe wat in hul eie tale investeer, ʼn daadwerklike bydrae maak in die ekonomiese waarde wat aan die spesifieke taal geheg word.

Linguiste argumenteer dat taal die grondslag vir ekonomiese vooruitgang lê en dat daar spesifieke industrieë is waar taal as ʼn belangrike bemarkbare kommoditeit bestempel word.

Die toerisme- en versekeringsbedryf is maar net twee voorbeelde van dié industrieë.

Prof. Vic Webb, dosent in linguistiek en direkteur van die Universiteit van Pretoria se sentrum vir taalpolitiek (CentRePol), skryf dat dit veral van toepassing is op toerisme in Suid-Afrika danksy die land se ryke verskeidenheid van tale en kulture.

Webb verduidelik verder dat taal ook ʼn belangrike rol in die versekeringsbedryf en verwante industrieë speel omdat versekeraars die sosiologie van verbruikers moet verstaan om ʼn produk te bemark wat in die verbruikers se behoeftes voorsien.

Taal speel ook ʼn beduidende rol in Suid-Afrikaanse entrepreneurskap.

Luidens ’n opname in 2017 van die Suid-Afrikaanse Instituut vir Rasseverhoudinge (SAIRV) is 14% van die land se bevolking wat 15 jaar en ouer is, Afrikaanse huistaalsprekers. Altesame 23% is Zoeloe-huistaalsprekers en 15% is Xhosa-huistaalsprekers.

Dié verslag het verder getoon dat entrepreneurskap in Suid-Afrika vanaf 2015/16 tot 2016/17 met ongeveer 34% gegroei het. Daar is voorts bevind dat daar in 2013 altesame 1 517 ondernemings in die informele sektor was. Hiervan was 308 minder as ’n jaar terug gestig.

Wat die internasionale entrepreneurskapindeks betref, was Suid-Afrika in 2016 in die 52 ste plek. Dié indeks meet die gehalte en omvang van entrepreneursaktiwiteite in 132 lande.

Volgens die Global Entrepreneurship Monitor (GEM), waar 400 navorsers 66 wêreldekonomieë meet, is bevind dat 72% van Suid-Afrikaners meen  entrepreneurskap is ʼn goeie loopbaankeuse.

Hieruit kan afgelei word dat entrepreneurskap in Suid-Afrika groei. Dit is nie ʼn vreemde verskynsel as daar na die geskiedenis gekyk word nie. Vanaf 1939 tot 1950 het die getal Afrikaanse ondernemings van 3 710 tot 13 047 toegeneem. Vanaf 1948/49 tot 1954/55 het die aantal Afrikaanse ondernemings, landbou uitgesluit, met 40% gegroei.

“Sprekers van alle inheemse tale in Suid-Afrika moet nou aangemoedig word om  voordeel te trek uit die groeiende entrepreneurslandskap”, sê Sanderien van der Walt, projekkoördineerder van AfriVriendelik.

Ook Mmusi Maimane, leier van die DA, meen entrepreneurskap hou groot voordele vir die land in. Hy meen dat in plaas daarvan dat die regering probeer om 5 miljoen werkgeleenthede te skep, die land eerder by 1 miljoen nuwe entrepreneurs sal baat. Die DA-regering in die Wes-Kaap het selfs administratiewe prosesse vereenvoudig om dit makliker te maak om ‘n sakeonderneming te registreer wat aan wetgewing voldoen.

Nóg ʼn inisiatief wat die stigting van sakeondernemings maklik maak en in ʼn inheemse taal bedryf word, is Afrikaans-Vriendelik. Dié veldtog het ten doel om entrepreneurskap in Afrikaans te bevorder deur gratis bemarking aan Afrikaanse ondernemings en diensverskaffers te bied. Dit is in 2016 bekend gestel en trek vandag  ʼn nuwe baadjie aan.

Afrikaans-Vriendelik word een van vyf inisiatiewe van AfriVriendelik. Ander inisiatiewe sluit in ʼn aanlynkletskamer vir AfriForum-lede en entrepreneurs, bemarkingsopleiding, die jaarlikse Tinteltong toekennings asook ʼn entrepreneurskompetisie.

 

 

The post Dís hoekom jy besigheid in inheemse tale moet doen appeared first on Forum Nuus.

Protesting Pretoria West residents clash with cops – still unclear what the protest was about

by
Protesting Pretoria West residents clash with cops - still unclear what the protest was about

Pretoria – Close to a thousand protesting residents of Gomora informal settlement in Pretoria West have battled with police since the early hours of July 13, 2017 on Thursday morning.

Police fired hails of rubber bullets, dozens of tear gas canisters, and stun grenades in a bid to keep the hostile protesters at bay.
Protesters returned fire with slingshots and threw stones at police Nyalas and members of the Public Order Policing on the ground. They also chased after journalists, pelting them with stones.

It was still unclear what the protest was about, but they called for Co-operative Governance and Traditional Affairs MEC Paul Mashatile to address their issues.

“We are going to kill you guys,” a protester shouted.

Several roads were blocked with burning tyres and stones.

A police contact said that more than 1 000 protesters had caused “complete chaos” since the early hours of Thursday morning.

‘We are fed up’

Residents from Gomora have demanded that Mashatile address their issues of service delivery.

One resident who did not want to be named, said they were promised basic services such as electricity, tarred roads, water and sanitation.

“We are fed up and want the MEC who promised us service delivery,” said one resident.

Another said they have had many community meetings to find a way to get government to address their needs.

Police spokesperson Constable Tumisang Moloto said several roads were blocked and four cars and a truck were torched by protesting residents.

Source: News 24
Author: Alex Mitchley

Afrikaans-Vriendelik gee ondernemings hupstoot met entrepreneurskompetisie

by
Sanderien van der Walt

Sanderien van der Walt
Afrikaans Vriendelik

Afrikaans-Vriendelik, wat ten doel het om Afrikaans in die sakewêreld te bevorder, trek binnekort ʼn nuwe baadjie aan.

Vanaf 20 Julie 2017 sal Afrikaans-Vriendelik een van vyf inisiatiewe van AfriVriendelik wees, ʼn eenstopdiens vir alle entrepreneurs en sakeondernemings. Ander inisiatiewe sluit onder meer ʼn aanlynkletskamer vir AfriForum-lede en entrepreneurs, bemarkingsopleiding, die jaarlikse Tinteltong toekennings asook ʼn entrepreneurskompetisie in.

Afrikaans-Vriendelik is in 2016 deur AfriForum bekendgestel en bied erkenning en gratis bemarking aan Afrikaanse ondernemings en diensverskaffers. Volgens Sanderien van der Walt, projekkoördineerder van Afrikaans-Vriendelik, was ʼn entrepreneurskompetisie die volgende logiese stap vir die uitbou van dié veldtog.

“Hierdie kompetisie is vir enige entrepreneur wat trots is op sy of haar onderneming en dit verder wil uitbou. Ons wil jong én ervare entrepreneurs aanmoedig om deel te neem vir die verskeie blootstellingsgeleenthede wat die kompetisie bied.”

Inskrywings open 20 Julie, tydens die bekendstelling van AfriVriendelik in Pretoria, en sluit 30 September 2017. Pryse sluit onder meer ʼn nuwe webwerf geborg deur MyGuru, ʼn advertensie vir gebruik op sosialemediaplatforms asook ʼn mentorskapsessie met een van die breine agter die bekende Buffelsfontein Baardolie-handelsmerk, Meyer le Roux, in.

Lede van die publiek kan dan tussen 2 en 15 Oktober vir hul toptien gunsteling- ondernemings stem, waarna ʼn uitgesoekte paneel die wenner sal kies wat op 20 Oktober 2017 aangekondig sal word.

Deelnemers in die Vrystaat en Wes-Kaap kan ook uitsien na AfriVriendelik se ander nasionale bekendstellings wat op 24 Augustus in Bloemfontein by Warm Karoo en 30 Augustus by Weltevreden Estate in Stellenbosch plaasvind.

“Ons weet daar is baie entrepreneurs in Suid-Afrika wat hard werk en ons wil deur dié kompetisie vir hulle ʼn hupstoot gee en dit moontlik maak om hul ondernemings verder uit te bou,” meen Van Der Walt.

The post Afrikaans-Vriendelik gee ondernemings hupstoot met entrepreneurskompetisie appeared first on Forum Nuus.

Dennis Haynes, vermis sedert 1986, word moontlik na 31 jaar opgespoor in Pretoria-Noord

by
Vermiste Dennis Haynes word na 31 jaar opgespoor in Pretoria-Noord

ʼn Man van Bloemfontein wat in Februarie 1986 spoorloos verdwyn het, is moontlik ná 31 jaar in Pretoria opgespoor.

Dennis Haynes was 22 jaar oud toe hy van Bloemfontein na Roodepoort vertrek het vir ʼn werksgeleentheid. Sy vrou en eenjarige dogtertjie het in Bloemfontein agtergebly.

Dennis het egter nooit teruggekeer nie en sy familie kon hom nie in die hande kry nie. Hy is as vermis by die polisie aangemeld, maar ʼn soektog na hom het niks opgelewer nie.

Desireé Haynes, Dennis se suster, was baie jonk toe haar broer vermis geraak het. Sy het
Vrydag aan Maroela Media gesê dat die familie mettertyd aanvaar het dat hy waarskynlik dood is. “ʼn Vriendin van my het ses weke terug besluit om bietjie te begin krap. Ons het nie gedink ons sal hom lewend opspoor nie, maar ons wou graag weet watndestyds met hom gebeur het,” het Desireé gesê.

Desireé se vriendin het ʼn Facebook-blad begin waarop sy ʼn foto van hom geplaas het en gevra het dat enigiemand wat hom moontlik gesien het met haar kontak maak. ʼn Vrou wat hulp aan haweloses in Pretoria gee, het die foto gesien en haar gekontak. “Die vrou het ʼn foto van ʼn hawelose man in Pretoria op die groep se blad geplaas en gevra of dit moontlik dieselfde man kon wees.

Van ons familielede wat die foto gesien het, was onmiddellik vas oortuig dat dit Dennis is,” het Desireé gesê.

Vandeesweek is Desireé en haar vriendin Pretoria toe om die man te ontmoet en te kyk wat hulle kan wys word. Die man het homself as Francois voorgestel, hoewel hy baie soos ʼn ouer weergawe van Dennis lyk wat 31 jaar gelede vermis geraak het.

Volgens Desireé ly die man aan erge geheueverlies en kon sy agterkom dat hy ʼn mate van breinskade opgedoen het.

Dennis Haynes soos hy gelyk het toe hy vermis geraak het.

“Ek was baie jonk toe Dennis vermis geraak het en kan hom nie baie goed onthou nie. Maar my hele familie herken hom. Almal is vas oortuig die man van Pretoria is Dennis.”

Volgens Desireé het die man haar nie onmiddellik herken nie, maar nadat sy ʼn rukkie met hom gesels het, het hy gesê hy weet sy is sy suster. Hy het ook ʼn foto van hul ma herken.

Vandeesweek het ʼn vrou ook vir Desireé gekontak wat beweer sy het as kind vir Dennis geken. Volgens die vrou was sy 12 jaar oud toe haar ouers begin het om gereeld vir Dennis kos te neem. Sy vertel dat Dennis briewe aan haar geskryf het waarin hy vertel van sy familie en lewe in Bloemfontein. Die vrou het gesê Dennis het die briewe in die styl van ʼn vervolgverhaal geskryf en elke brief het gevolg op die voriges.
“Die vrou sê ongeveer twee jaar nadat sy vir Dennis leer ken het, het hy vir ʼn ruk net verdwyn en toe hy terugkom, het hy homself as Francois voorgestel,” vertel Desireé. “Hy het snymerke en wonde gehad en sy kon sien dat hy in ʼn ongeluk was. Hy het klaarblyklik geheueverlies gehad, want hy kon nie onthou dat sy naam voorheen Dennis was nie. Hy het ook stadiger gepraat, asof hy in ʼn ongeluk was.”

Die vrou het later verhuis en kontak met Dennis, oftewel Francois, verloor. Toe sy egter die foto van hom op Facebook sien, het sy hom dadelik herken en vir Desireé gekontak om haar van die briewe te vertel.

“Die inligting wat sy uit die briewe onthou, is 100% akkurate inligting van Dennis se lewe in Bloemfontein. Dit lyk asof dit regtig hy is,” het Desireé gesê.

“Die vrou het vir my gesê sy het altyd gewonder hoekom sy so goeie geheue het. Nou weet sy dit is omdat die Here geweet het hierdie man gaan sy geheue verloor en sy sal sy storie moet vertel.”

Dennis Haynes se familie glo die man van Pretoria is hul broer wat dekades gelede vermis geraak het.
Desireé het ook gesê ʼn man het Donderdag deur Facebook met hulle kontak gemaak en beweer dat Dennis jare gelede voor die plek waar hy werk in ʼn tref-en-trap-ongeluk betrokke was. Volgens die man het hy vir Dennis hospitaal toe geneem, maar toe ook weer met hom kontak verloor.

Desireé het gesê die familie het DNS-toetse laat doen om te bepaal of Francois wel hul lank verlore broer Dennis is. Hoewel hulle nog op die uitslae wag, is die familie vas oortuig dat hul broer na al die jare gevind is.

“My oom was jare lank in die polisie en hy het vir my gesê destyds het hulle nie regtig baie aandag aan vermiste persoon-sake gegee nie. Daardie tyd het hulle gedink as ʼn volwassene vermis raak, het hy seker uit vrye wil geloop, so daar is nie baie moeite gedoen om die persoon op te spoor nie,” het sy gesê.

Terwyl daar op die uitslae gewag word, bly Dennis by een van Desireé se vriendinne op ʼn plaas buite Theunissen en help hulle hom met tandheelkundige en mediese behandeling.

Bron: Maroela Media