Uncategorized

Gabriella Engels, AfriForum gaan hof toe oor Grace Mugabe

by

Die hofaansoek. Foto: Verskaf

AfriForum het Woensdag ’n hersieningsaansoek by die Pretoria-hooggeregshof ingedien waarin die hof gevra word om Maite Nkoana-Mashabane, minister van internasionale betrekkinge en samewerking, se besluit om diplomatieke immuniteit aan die Zimbabwiese presidentsvrou, Grace Mugabe, toe te staan, ter syde te stel.

Willie Spies, AfriForum se regsverteenwoordiger, het gesê volgens die eedsverklaring van Gabriella Engels, die vrou wat glo deur Mugabe in ’n hotelkamer in Sandton in Johannesburg aangerand is, het die minister artikel 7(2) van die Wet op Diplomatieke Immuniteit en Voorregte verkeerd vertolk en het Nkoana-Mashabane nie oor die bevoegdheid beskik om immuniteit aan Mugabe toe te staan nie. Sy het ook nagelaat om in gedagte te hou dat die beweerde misdaad wat deur haar gepleeg is, neerkom op ’n ernstige misdaad soos in die wet uiteengesit.

Engels voer ook in haar eedsverklaring aan dat die Wet om Immuniteit van Buitelandse Moondhede (van 1981) die verlening van immuniteit aan staatshoofde wat hulle skuldig maak aan die dood of beserings van mense in Suid-Afrika, uitdruklik uitsluit.

“Indien staatshoofde nie eens oor immuniteit in sulke gevalle beskik nie, is daar geen manier dat hul gades of families dit kan kry nie,” het Spies gesê.

Die hofaansoek behoort binne die volgende vier tot vyf maande in die Pretoriase hooggeregshof geargumenteer te word.

Mugabe het Sondag na Zimbabwe teruggekeer ten spyte van talle eise dat sy vervolg moet word nadat sy Engels glo aangerand het.

Lees alle vorige berigte oor Grace Mugabe op Maroela Media.

KFC-voorval: Drie bly nog agter tralies

by

Stephan Nel, Marius Harding, Ockert Muller, Dicky Junior van Rooyen en Joshua Scholtz in die Pretoria-Noord-landdroshof (18 Augustus 2017). Foto: Phillip Bruwer

Die borgtogaansoek van drie van die vyf mans wat in hegtenis geneem is in verband met die sogenaamde KFC-aanranding van Jacob Sono en sy vrou, Dudu Sono, is Woensdag in die Pretoria-Noord-landdroshof uitgestel.

Stephan Nel (39), Dicky Junior van Rooyen (21) en Joshua Scholtz (21) se borgtogaansoek is Woensdag weer in die hof hervat. Ockert Muller (20) is reeds vroeër op borgtog van R5 000 vrygelaat en Marius Harding (23) het sy aansoek om borgtog laat vaar weens ’n uitstaande lasbrief vir diefstal in ʼn onverwante saak in KwaZulu-Natal.

Die hof het voorleggings van Nel, Van Rooyen en Scholtz se verdediging aangehoor, waarna die saak tot Vrydag uitgestel is vir slotbetoë van die staatsaanklaer, Ronnie Sibanda, wat die aansoek teenstaan.

Landdros Motlhoki Rapulana sal na verwagting daarna bekend maak wanneer sy uitspraak in die borgtogaansoek sal lewer. Sy het reeds aangedui dat sy die besluit goed moet deurdink. Die vier bly in aanhouding.

Konst. William Tladi, ondersoekbeampte van die Sinoville-polisie, het Woensdag in die hof getuig ʼn gewelddadige openbare oproer sal moontlik volg indien borgtog aan die mans toegestaan word.

Lede van die ANC Vroueliga het sedert die begin van die verhoorproses buite die hof betoog. Tydens Woensdag se verhoor was lede van die Black First Land First (BLF)-groep ook in die hof.

“Is hierdie mense hier om morele ondersteuning aan die beskuldigdes te bied? Sommige van hulle dra plakkate wat lees ‘geen borgtog’. Het jy hulle gesien?” het Sibanda ʼn vraag aan Tladi gestel. “Jy het gesien wat buite [die hof] gebeur. Wat dink jy sal gebeur as die beskuldigdes borgtog toegestaan word?”

Tladi het geantwoord: “Daar kan gevegte ontstaan.” Hy het ook bygevoeg dat die lewe van die beskuldigdes moontlik in gevaar kan wees.

Die burgerregte-organisasie AfriForum het vroeër Woensdag buite die Pretoria-Noordse landdroshof betoog teen sogenaamde dubbele standaarde waarmee die organisasie sê rasvoorvalle in Suid-Afrika hanteer word. Die organisasie het gesê hy het besluit om na dié landdroshof op te ruk omdat “wit-op-swart-aanvalle deurlopend aan die groot klok gehang word, terwyl swart-op-wit-aanvalle grootliks geïgnoreer word”.

Lees alle vorige berigte oor die KFC-voorval op Maroela Media.

KFC-voorval: ‘Geweld kan uitbreek as beskuldigdes borgtog kry’

by

Stephan Nel, Marius Harding, Ockert Muller, Dicky Junior van Rooyen en Joshua Scholtz in die Pretoria-Noord-landdroshof (18 Augustus 2017). Foto: Phillip Bruwer

Die Pretoria-Noord-landdroshof het Woensdagmiddag gehoor dat geweld of erge konflik moontlik kan uitbreek indien die borgtogaansoek van drie van die vyf beskuldigdes in die sogenaamde KFC-aanrandingsaak suksesvol sou wees.

Stephan Nel (39), Dicky Junior van Rooyen (21) en Joshua Scholtz (21) se borgtogaansoek is Woensdag weer in die hof hervat. Ockert Muller (20) is reeds vroeër op borgtog vrygelaat en Marius Harding (23) het sy aansoek om borgtog laat vaar weens ’n uitstaande lasbrief vir diefstal.

Adv. Ronnie Sibanda, die staatsaanklaer in die saak, het aan konst. William Tladi, ondersoekbeampte van die Sinoville-polisie, gesê die groepe mense wat elke keer betoog wanneer die saak in die hof aangehoor word, is nié daar is om die beskuldigdes te ondersteun nie, maar om hul misnoeë in moontlike borgtog uit te spreek. Hy het gesê dat die betogers moontlik geweld of konflik kan veroorsaak indien borgtog aan die mans toegestaan word.

Lede van die ANC Vroueliga het sedert die begin van die verhoorproses buite die hof betoog. Tydens Woensdag se verhoor was lede van die Black First Land First (BLF)-groep ook in die hof.

“Is hierdie mense hier om morele ondersteuning aan die beskuldigdes te bied? Sommige van hulle dra plakkate wat lees ‘geen borgtog’. Het jy hulle gesien?” het Sibanda ʼn vraag aan Tladi gestel. “Jy het gesien wat buite [die hof] gebeur. Wat dink jy sal gebeur as die beskuldigdes borgtog toegestaan word?”

Tladi het geantwoord: “Daar kan gevegte ontstaan.” Hy het ook bygevoeg dat die lewe van die beskuldigdes moontlik in gevaar kan wees.

Tshidiso Tsimong, adjunk-sekretaris-generaal van die BLF, het gesê “enigiets kan gebeur” indien die beskuldigdes Woensdag borgtog sou kry. “Daar is baie dinge wat kan gebeur. As lede van die gemeenskap én BLF is ons baie ontsteld oor die manier waarop hulle hulself gedra het. Hulle mag dalk verdwyn, hulle kan Europa besoek of soos dinge nou lyk, mag hulle dalk die hemel besoek. Ons kan nie in detail sê wat sal gebeur nie,” het Tsimong gesê.

“Ons vra die landdroshof om dienooreenkomstig op te tree en nie borgtog aan die verdagtes toe te staan nie. Ons sien dit nie as die regte ding om te doen nie. Hulle moes vorendag kom met ʼn verdediging om te wys dat hulle nie ʼn bedreiging vir die samelewing is nie, maar hulle het nie daarin geslaag nie.”

Ao. Ravi Vengetsamy Naidoo, bevelvoerder van speurders by die Sinoville-polisiestasie, het vroeër ook aangevoer die beskuldigdes moet ter wille van die veiligheid van die egpaar wat hulle aangekla het, nie op borgtog vrygelaat word nie.

Die burgerregte-organisasie AfriForum het vroeër Woensdag buite die Pretoria-Noordse landdroshof betoog teen sogenaamde dubbele standaarde waarmee die organisasie sê rasvoorvalle in Suid-Afrika hanteer word. Die organisasie het gesê hy het besluit om na dié landdroshof op te ruk omdat “wit-op-swart-aanvalle deurlopend aan die groot klok gehang word, terwyl swart-op-wit-aanvalle grootliks geïgnoreer word”.

Die hofverrigtinge duur voort.

Lees alle vorige berigte oor die KFC-voorval op Maroela Media.

Die Kooperasie – Kleinfontein

by

KONTAK BESONDERHEDE

Telefoon: 012 940 0065 of intern op 6174

Vir lekker koffie, Koek en lekkernye.

Kleinfontein is ‘n unieke, ongeëwenaarde ontwikkeling in die geskiedenis van die Afrikanervolk omdat dit volledig gevestig is deur volkseie arbeid.

Kleinfontein is geleë op die Magaliesbergreeks 30km Suid-Oos van Pretoria op die historiese terrein waar die slag van Donkerhoek (Diamond Hill) tydens die Tweede Vryheidsoorlog plaasgevind het.

FINKOR Finsiele Dienste – Kleinfontein

by

KONTAK BESONDERHEDE

Naam: Finkor
Telefoon:012 940 4271
E-pos: [email protected]
Webtuiste: www.finkor.net

Ons skep gemoedsrus

Volhoubare genmoedsrus verskaf deur uitstekende diens.

Vir enige finansiele advies, rekenkundige dienste, versekeringsdienste, besigheidsdienste of regsdienste.

Toeganklik. Gerieflik. In Jou Taal

Pretoria communities gather to protest against higher rates

by
Pretoria communities gather to protest against higher rates

Pretoria – About 10 buses packed with protesters from Mabopane, Winterveld, Klipgat and Ga-Rankuwa have descended on the Old Putco Depot in Marabastad on Monday morning.

The 500 plus protesters are gearing up to march to Tshwane House to hand over a memorandum to executive mayor Solly Msimanga. They are singing and chanting while waiting for more protesters to join the march.

Tshwane Metro Police and the SAPS are keeping a close eye on the protesters. Spokesperson for the Baagi Concerned Forum David Ratladi Baagi said that the communities of Ga-Rankuwa, Mabopane, Winterveld and Klipgat pay a reduced rate for services to Tshwane and the Soshanguve community pays a higher rate.

But now the City of Tshwane intends raising the communities rates to equal that of Shoshanguve. ” We as the community of Mabopane, Winterveld and Klipgat were not consulted,” he said.

Tshwane Metro Police spokesperson Senior Superintendent Isaac Mahamba said affected streets will include Eskia Mphahlele, Struben, Thabo Sehume and Madiba streets.

By: Pretoria News

Sewe verdagtes word aangekeer in Pretoria ivm motorfietsdiefstalle

by
Sewe verdagtes word aangekeer in Pretoria ivm motorfietsdiefstalle

Die Pretoriase polisie het sewe verdagtes in hegtenis geneem in verband met ʼn vlaag motorfietsdiefstalle die afgelope tyd.

Kapt. Agnes Huma, woordvoerder van die polisie, het gesê die mans, tussen 25 en 35 jaar oud, is Dinsdag in die vroeë oggendure in Rooihuiskraal in Centurion in hegtenis geneem.

“Die mans se modus operandi was om na bewering in ʼn wit Quantum in die Rooihuiskraal-omgewing rond te ry op soek na motorfietse wat binne of buite persele parkeer is,” het Huma gesê.

“Nadat hulle ʼn spesifieke huis identifiseer het, sou hulle later in die aand terugkeer, die honde vergiftig om toegang te verkry en dan die motorfiets steel.”

Huma het gesê die polisie in samewerking met die gemeenskapspolisiëringsforum en plaaslike veiligheidsmaatskappye het ʼn gesamentlike intelligensie-gedrewe operasie geloods en die Quantum Dinsdag omstreeks 01:30 opgemerk.

“Die polisie het die voertuig voorgekeer en die sewe verdagtes is in hegtenis geneem. Toerusting om by huise in te breek en klapmusse is in hul besit gevind en beslag is daarop gelê.”

Die verdagtes moet binnekort in die hof verskyn op aanklag van die besit van huisbraak-toerusting. Die Wierdabrug-polisie ondersoek die moontlikheid of die verdagtes met ander voorvalle in die gebied verbind kan word.

Die polisie het inwoners gewaarsku om nie waardevolle besittings oop en bloot te laat nie.

Deur: Maroela Media

Pretoria fans linked in grief for Linkin Park’s Chester

by

A nightclub in Pretoria turned down the music on Saturday morning to reflect on the death of a rock star. About 40 fans gathered on the porch of Arcade Empire to remember Chester Bennington, singer from Linkin Park, who hanged himself on July 20 at his house in California.

Fans had damp eyes as they raised a glass, lit candles, put up posters and laid down flowers. Some wrote messages in a book and on a South African flag and spoke on an open microphone.

“This guy went to his grave with every one of my secrets,” said Stephan Swanepoel, 17, from Hartbeespoortdam. “He was just there for me. Not that my mother was not there for me. Some things I cannot say.”

Mari Buitendag from Pretoria said Bennington’s death felt similar to that of her brother two years ago: “Where do you get that strength back if you looked up to someone and they were that strong person for you? Even if it is only music?”

Johan van der Westhuizen, 30, from Pretoria said he still remembers every lyric from Hybrid Theory, Linkin Park’s first album, released in 2000.

“I realised I remembered every single word. That proved to me how important they were to us, not just Chester, but the whole band.”

The event was organised by Shaun Muthaya and Tessa Anderson, Linkin Park ambassadors in South Africa.

“Unfortunately our first meeting with the fans was through the loss of a loved one,” said Muthaya.

Memorial services for Bennington are planned for Cape Town and Durban. A South African flag and messages from fans will be sent to the band.

A support group leader from the SA Depression and Anxiety Group, Jané Combrinck, said depression “doesn’t care if you are religious, black, white, female, the most phenomenal rock star in the world. It will get you.”

She said one in three people will suffer from mental disease in their lifetime. One in 10 of these will have depression.

‘Sekuriteitsbreuk’ by Mededingingskommissie in Pretoria

by
Mededingingskommissie

Die Mededingingskommissie het Saterdag gesê daar was ʼn “sekuriteitsbreuk” by sy kantoor in Pretoria vroeër die week.

Sipho Ngwema, woordvoerder van die kommissie, het gesê twee skootrekenaars is Dinsdag by die afdeling gesteel wat verantwoordelik is vir ondersoeke na kartelgedrag.

“Die voorval is by die polisie aangemeld en die saak is deur die Valke oorgeneem vir verdere ondersoek,” het Ngwema gesê.

Hy het gesê die kommissie het die nodige voorsorgmaatreëls getref om veiligheid en sekuriteit op te skerp.

Inwoner van Pretoria voor haar verloofde geskiet wyl hy video neem

by

Carine van Staden (28), ʼn inwoner van Pretoria, is Donderdag voor haar verloofde glo deur ʼn weermaglid in die noorde van die stad geskiet.

Carine se pa, Johan van Staden (53), het Saterdag aan Maroela Media gesê sy dogter en haar verloofde, Johan Harmse (29), was omstreeks 18:00 van Daspoort op sy BMW-motorfiets op pad na vriende in Montana toe ʼn amptelike weermagvoertuig hulle naby Wonderboom Junction ligtelik getref het.

“Die voertuig, ʼn wit Audi, het weermagnommerplate gehad en ons het intussen vasgestel die jong man wat dit bestuur het, is glo ʼn drywer vir een van die generaals,” het Van Staden gesê.

“Die man het die motorfiets se voetrus getref waarop Carine se voete was en die man het toe net weggejaag,” het hy gesê.

Harmse het ʼn draagbare videokamera aan sy valhelm gehad, dit aangeskakel en die voertuig agterna gesit.

“Die verkeerslig by die hoek van Lavenderweg en Braam Pretoriusstraat was rooi en die man moes stilhou. Carine het afgeklim en hom genader om te hoor hoekom hy weggery het. Hy het bloot net sy deur oopgemaak en ’n pistool reguit in haar bors gedruk en haar ten aanskoue van haar verloofde en ander motoriste geskiet.”

Die man het daarna glo ook sy vuurwapen op Harmse, wat nog op sy motorfiets was, gerig voordat die verkeerslig groen geslaan en hy weggery het. Harmse se video van die voorval is aan die polisie as bewys oorhandig.

Carine is na die George Mukhari-hospitaal gehaas waar sy tans aansterk. “Die koeël het haar hart skrams gemis. Dit is deur haar linkerlong en agter haar rug uit. Haar long het platgeval, maar verder is geen ander organe beskadig nie. Sy is gelukkig ʼn sterk mens en is by haar positiewe. Sy is stabiel en dit gaan goed met haar onder die omstandighede.”

Harmse en Van Staden is ná haar opname na die Sinoville-polisiestasie om die voorval aan te meld. Dit was sowat ʼn uur en ʼn half ná die voorval. Die weermaglid was toe reeds daar en het, aldus Van Staden, aangevoer hy het gedink Carine wou hom kaap. Hy het nooit amptelik ʼn klag aanhangig gemaak nie.

Ao. Johan van Dyk, polisiewoordvoerder, het Saterdag aan Maroela Media bevestig aanvanklik is ʼn klag van die afvuur van ʼn vuurwapen in ʼn openbare gebied en roekelose en nalatige bestuur teen die man aanhangig gemaak voordat hy op waarskuwing vrygelaat is.

“Ons kan bevestig dat die saak intussen na ʼn poging tot moord verander is. Die polisie is besig met verdere ondersoek en is besig om almal se verklarings af te neem, waarna die dossier na die Nasionale Vervolgingsgesag verwys sal word om oor verdere stappe te besluit,” het Van Dyk gesê.

Dit is nie duidelik hoe lank dié prosedures gaan duur nie. Die weermaglid is nog nie in hegtenis geneem nie.